2012/07/30

Яаж киночин болох вэ?

Киночин гэж өдөрт ядаж нэг кино үзэхгүй бол нойр нь хүрдэггүй хүнийг хэлдэг юм шүү. хэхэ. Яг энэ утгаар бол би хар багын л киночин байжээ. Телевизийн хөтөлбөрөөс оройд үзэх киногоо шилж аваад тэгээд л зурагт сахиад суучихна. Сайн муу есөн шидийн л юм үзсэн дээ. Хар хайрцаг надад юу санал болгон яг тэр хэмжээнд л кино сонирхол маань хайрцаглагддаг байлаа. Одоо бол байдал өөр болжээ, хаанаас ч гэсэн мэдээлэл аваад, хүссэн киногоо татаад үзчих боломжтой болж. Ямар кино үзэх нь таны дурын хэрэг, харин яаж татаж үзэх вэ гэдэг дээр өөрийнхөө туршлагаас хуваалцюу гэж бодлоо. Зарим хүмүүст хэрэг болж юуны магад.

Хэрхэн кино татах
Киног энэ тэндхийн сайтуудаас эсвэл ютүйб энэ тэрээс татаж байхаар торрентоор кино татахад зориулж хийгдсэн программ ашиглаж татах нь илүү хялбар бөгөөд өгөөжтэй. Миний хувьд ut*rrent хэрэглэж киногоо татдаг. ut*rrent эндээс ороод эхлээд ut*rrent татаж аваад комдоо суулгачихаж болно. Дараа нь торрентын нэгдсэн хайлтын систем болох t*rrentz.eu энэ дээр татахыг хүссэн киногоо хийгдсэн онтой нь бичээд оруулахад есөн шидээрээ жагсаад гараад ирнэ, ер нь бол дээрээсээ доошоо peers-ийнхээ тоогоор эрэмблэгдэж жагсаж буй бөгөөд peers-ийнх нь тоо их байх тусам тухайн киног хурдан татах магадлалтай гэсэн үг.

Мөн тухайн киноны нэр, оных нь хойно бичлэгийн төрөл нь харагдана.  DVD(риф), Bluray or BR(риф), BD(риф), HD гэсэн тэмдэглэлүүд харагдах вий. Тэгээд DVD бичлэгээр үзмээр бол Dvd гэснийг нь татаад, Bluray, HD гэсэн илүү гоё бичлэгтэйгээр үзмээр байвал Bluray, HD гэсэн тэмдэглэлтэйг нь татах нь байна. Гол нь бичлэгийн чанар сайжрах тусам хэмжээ нь ихэсдэг, Dvd(риф) 700 орчим MB байдаг бол Bluray, HD бичлэгтэй кинонууд 2.5-4 GB орчим хэмжээтэй байх жишээний. Тэгэхээр бичлэг сайтай кино фонд үүсгэе гэвэл багтаамж сайтай ком, хард шаардлагатай болдог. За тэр ч яахав дараагийн асуудал.

За тэгээд бичлэгийн төрөл, хэмжээ, peers-үүдийг нь харж байгаад татахыг хүссэн кино руугаа ормогц уг кино байгаа торрент сайтуудын жагсаалт гараад ирнэ, би бол ихэнхдээ thepiratebay.se юмуу kickasst*rrents.com энэ тэрээс татчихдаг, ер нь thepiratebay бол асар их сантай торрент л доо, kickasst*rrnet нь ази киноны сангаар илүү. За тэгээд торрент сайтуудруугаа ороод d*wnload via t*rrent or get this t*rrent гэх мэт сонголтыг дараад киногоо татмагц автоматаар ut*rrent ачаалагдаж  татагдаж буй явц, татагдаж дуусах хугацаа зэрэг нь харагдаад ирнэ. 

Киног сабтайтелтэй үзэх
За киногоо татаж дуусаад ханцуй шамлаад шууд үзье гэхнээ нэг асуудал босч ирнэ ээ. Тэр нь сабтайтел. Киногоо бүрэн гүйцэд үг үсэггүй ойлгоё гэвэл сабтайтел чухал л даа, нэгэнт төрөлх хэлээрээ үзэж буй биш л бол киноны диалогийг 100 хувь сонсоод барина гэж байхгүй. Тэгэхээр сабтайтел чухал. http://www.opensubtitles.org/en болон  http://subscene.com/ бол хамгийн арвин сантай сабтайтлын сайтууд юм. Харин tv show буюу америкийн олон ангит кинонуудын сабтайтлыг http://www.tvsubtitles.net/ гэсэн сайтаас татаж болно.

Сабтайтел татахад бас учир байна аа. Сабтайтел бүрийн хойно кинотой адил бичлэгийн төрөл нь гарна. Тэгэхээр таны татсан кино Dvd(риф) бол сабтайтелаа ч бас Dvd(риф) гэсэн тэмдэглэгээтэйг нь татах хэрэгтэй. Үгүй бол сабтайтел кинотойгоо таарахгүй зөрөөд байдаг тал бий. Bluray бичлэгээр татсан кинонд Dvd гэсэн сабтайтел хэзээ ч тохирохгүй, заалттай зөрнө. Заримдаа ч адилхан бичлэгийн тэмдгэлгээтэй сабтайтел татчихаад байхад л зөрөөд байна, тэр тохиолдолд дахин дахин татаж тохируулах шаардлага гарна.

За тэгээд сабтайтелаа татчихсан бол өнөөхөө кинондуу яаж оруулж үзэх вэ гэдэг асуудал гарна. Энэ хэсэг бол хамгийн амархан нь. Кино, сабтайтел хоёроо нэг фолдерт оруулах хэрэгтэй, тэгээд кино болон сабтайтел файлынхаа нэрсийг ижил болгоод л гүйцээ. Тоглуулагчаа эхлүүлмэгц киноны чинь дор сабтайтел нь аяндаа гараад ирнэ. Гол нь ямар тоглуулагч ашиглаж байна гэдгээс багахан хувь нь шалтгаална. Би бол КMPlayer ашигладаг, хэрэглэхэд амар, ойлгомжтой, тун дажгүй эд л дээ. KMPlayer гэж google-дэж хайгаад хаанаас бол хаанаас татаад суулгачихаж болно.

За тэгээд хүссэн киногоо татчихсан, тохирох сабтайтелыг нь ч татчихсан бол тоглуулагчаараа киногоо үзэх л дутуу боллоо. Тухлан сууж, таалан үзээрэй.

*-г о үсгээр орлуулна уу.
http://tegshzaya.blogspot.com