2012/04/16

Аравт МУСК албан ёсны trailer, киноны үйл явдал

Монгол фильм групп, өвөр монголын Нүүдэл соёл компани хамтран бүтээсэн Аравт МУСК тун удахгүй кино театрын дэлгэцнээ хүрэх гэж байна. Аравт түүхэн киноны найруулагчаар Д.Золбаяр, И.Шагдарсүрэн нар ажиллаж гол дүрүүдэд Б.Баасанжав, Б.Жаргалсайхан, Л.Жамбал, Д.Гүрсэд, Н.Онон, Ц.Цэрэнболд, Б.Амарсайхан, Э.Буянхишиг, Г.Алтаншагай, Ч.Бодь нар тоглосон байна.

Удаан хугацааны туршид хүлээгдэж буй уг киноны албан ёсны trailer дөнгөж гараад байна. Ингээд шинэхэн trailer-аа хүлээн авч үзэцгээе. Таалагдана гэж найдаж байна.

Киноны үйл явдал:
Арван зургаан настай Уужим хүү Чингис хааны Хоресм улстай хийх аян дайны арын фронт болох Тэмүгэ Отчигин ноёны удирдсан бэлтгэл ангид дайчлагдан ирж Хасын аравтад хуваарилагдсанаар дэлхийн талыг морин туураар тамгалах Хөх Монголын хүчирхэг цэргийн нэг нь болно.

Уужимын хуваарилагдсан аравтад аян дайны хүнд бэрхийг туулсан Ахай, Начин нарын хашир туршлагатай өвгөд, удирдан зохион байгуулах чадвартай Хас, чимээгүй дүнсгэр Этэр, илдний эрдэмд гарамгай хөөргөн сагсуу Есөнтэх, өлссөнөөс үхсэн нь дээр гэж боддог ховдог, ууртай Сулбэх, аравтын тогоо шанагыг барьдаг чавганц шиг үглээ Бөхтэнгэр нарын идэрхэн эрс, хөгжилтэй сэргэлэн Шижирсанаа, шавилхан биетэй ч хэнд ч дийлддэггүй эрэмгий Хээхэр нарын залуус байх бөгөөд харилцан адилгүй ааш араншинтай, шашин шүтлэг ондоотой хэрнээ нэгэн хүсэл зоригийн дор зангидсан гар мэт нэгдэн нягтарч чадсан дайчин эрс байлаа.