1990-ээд оны Холливудын супер баатруудын нэг Итали Азарга хочит Сильвестр Сталлонегийн өөрөө гол дүрд нь тоглосон "The Expendables 2" киноны зураг авалт амьтдад аюул учруулсан тухай хэсэг биологич, амьтан хамгаалагчид мэдээлжээ.
Тэд Болгарийн алдартай Деветашкагийн агуйд зураг авалт хийхдээ өвөл ичиж байсан 40-өөд мянган сарьсан багваахайг цаг нь болоогүй байхад сэрээсний улмаас тэдгээр амьдтыг өлсгөлөнгийн аюулд унагажээ. Европтоо хамгийн олонд тооцогддог сарьсан багваахайн сүргийн ичээг ийн үймүүлсний дараахан эрдэмтэд ердөө 10 мянга гаруйхан сарьсан багваахай олсон бөгөөд бусдыг үхсэн эсвэл дуу чимээнээс дайжин өөр агуй руу дүрвэсэн байх магадлалтай гэж үзэж байгаа аж.
Тэдний мэдэгдэж буйгаар Болгарийн эрх баригчид хоёр км гаруй үргэлжилдэг энэ агуйд өвлийн цагт зурагт авалт хийхийг огт зөвшөөрөх ёсгүй байсан гэнэ.
Уг кинонд Сталлонегаас гадна Арнольд Шварценеггер, Брюс Уиллис, Дольф Лундгрен, өмнөх ангид тоглоогүй Жан Клод Ван Дамм нар оролцон тоглож байгаа юм байна. Кино энэ зун үзэгчдийн хүртээл болох юм байна.
Эх сурвалж: Б.Тамир /gogo.mn/Биднийг дэмжин доорх сурталчилгааг өдөрт нэг удаа орж сонирхоно уу
Хэн хэн тоглож байгааг яасан их бичдэг юм бэ дээ. Мэдээ бүрт нь л бичсэн байхын
ReplyDeleteӨөр сайтын мэдээллээс оруулж байгаа учир эх нь бүтнээрээ байх ёстой байдаг юм аа.
ReplyDelete