"Ghibli" студи шинэхэн бүтээл туурвиж байна

Зуны кино улирлаар нэгэн япон анимэшн дэлгэцнээ гарахнээ. Алдарт найруулагч Hayao Miyazaki болон Isao Takahata нарын үүсгэн байгуулсан "Ghibli" студи нэгэн шинэхэн уран бүтээлийг туурвиж байна. Уг анимэшний нэр "Karigurashi no Arrietty" (The Borrower Arrietty) зохиолыг Английн алдарт зохиолч Mary Norton-ы "The Borrowers" хүүхдийн цуврал зохиолоос сэдэвлэн зохиосон бөгөөд япон ахуйг илүү тусгасан ажээ.
Киноны ерөнхий найруулагчаар Hiromasa Yonebayashi ажиллаж байгаа ба энэ нь түүний анх удаа бие даан найруулж байгаа бүтээл юм байна. Түүнд энэ бүтээл дээр Miyazaki маш их зөвлөгөө туслаж үзүүлж зааж сургаж байгаа гэнэ.

Киноны талаарх мэдээлэл маш хомс байгаа бөгөөд харин саяхан трэйлэрээ гаргажээ. Уг киног энэ оны 7 сарын 17 Японд гаргах ба дараагаар нь америкын кино зах зээлд гаргах юм байна.

Mr and Mrs Smith 2 хийгдэх нь

Сайн хийгдсэн киноны хувьд түүнийг үргэлжлүүлэн хийснээс хийгээгүй нь дээр байдаг. Гэхдээ мөнгө олох гэсэн хүмүүсийн хувьд дараагийн анги гэдэг бол бэлэн мөнгөний машин л гэсэн үг.
2005 онд хийгдэж байсан Mr and Mrs Smith кино action төрлийн боломжийн кинонуудын нэг. Hollywood-д Brad Pitt, Angelina Jolie гэсэн сайхан гэр бүлийг бий болгосон кино ч гэж хэлж болно. Тэгвэл энэ киног шинэчилж хийвэл яах уу.
Уг киноны үргэлжлэл эсвэл шинэ хувилбар гэж хэлэхээр Mr and Mrs нь Jones (яг тодорхой болоогүй байгаа нэр) гэсэн нэртэйгээр киног хийхээр болоод байгаа мэдээлэл цацагдсан байна. Уг кинонд эх киноны одууд маань тоглохгүй бөгөөд шинэ хос гаргаж ирэх төлөвлөгөөтэй байгаа гэнэ.

Box office top10: 20100205 Dear John

1. Dear John. Өнгөрөгч 7 хоногт: $32,4M, нийт: $32,4M.
2. Avatar. Өнгөрөгч 7 хоногт: $23,6M, нийт: $630M.
3. From Paris with Love. Өнгөрөгч 7 хоногт: $8,12M, нийт: $8,12M.
4. Edge of Darkness. Өнгөрөгч 7 хоногт: $7M, нийт: $29,1M.
5. Tooth Fairy. Өнгөрөгч 7 хоногт: $6,5M, нийт: $34,3M.


6. When in Rome. Өнгөрөгч 7 хоногт: $5,5M, нийт: $20,9M.
7. Book of Eli, The. Өнгөрөгч 7 хоногт: $4,83M, нийт: $82,2M.
8. Crazy Heart. Өнгөрөгч 7 хоногт: $3,65M, нийт: $11,2M.
9. Legion. Өнгөрөгч 7 хоногт: $3,4M, нийт: $34,6M.
10. Sherlock Holmes. Өнгөрөгч 7 хоногт: $2,63M, нийт: $202M.

3 шинэ кино нэмэгдэв.

Dear John. Тэнгисийн цэрэг, коллежийн оюутан охин хоёрын хайр дурлалыг харуулнаа.

From Paris with Love. ТТГ-ын шинэхэн цэрэг Жеймс, хүнд гар Чарли нар Парист гэмт хэргийн бүлэглэлийн эсрэг тэмцэх болноо.

Crazy Heart. Кантри хөгжмийн ахмад дайчин Бад Блэкийн тухай өгүүлжээ.

By Arcus

7 долоо хоногийн турш бокс-офисийг ноёрхсон Аватарыг Dear John онхолдуулж чадлаа.

"UP" Annie-ийн кино наадмаас шилдэг анимашн төрлөөр шагнал авлаа

Los Angeles хотноо жил болгон зохиогддог 37 дахь удаагийн Annie-ийн наадмаас Пиксарын бүтээл UP хэмээх анимашн шилдэг анимашн кино номинацаас тэргүүн байр эзэллээ. Мөн энэхүү кино наадмын шилдэг найруулагчаар UP-ын найруулагч Pete Doctor тодорсон байна. Annie-ийн кино наадамд зөвхөн анимашн төрлийн кинонууд өрсөлддөгөөрөө онцлогтой.
Одоогоор UP нь Оскарт түрүүлэх хамгийн магадлалтай байгаа ба Cloudy With a Chance of Meatballs хүчтэй өрсөлдөгчийн тоонд орж байгаа юм.
Шилдэг зохиомжоор харин Fantastic Mr.Fox шалгарсан байна.

Avatar:The Last Airbender удахгүй дэлгэцнээ гарна

"Аvatar"-н түүх анимэшнээс кино руу. Энэ бол нөгөө 3м өндөр аварга цэнхэр навичууд биш харин жижигхэн биетэй хуврагын тухай өгүүлдэг шинээр гарах гэж байгаа кино. Хүн бүр л энэ 2 киног хольж хутгаад байдын. Ямар сайндаа л манай нэг томоохон мэдээллийн сайт дээр Cameron-ы "Avatar" киноны тухай мэдээлэл оруулаад хажууд "Avatar:Last Airbender"-н зургийг тавьсан байхав.Ингээд хүмүүсийг төөрөгдлөөс гаргах үүднээс энэхүү мэдээлэлийг оруулж байна. "Avatar:Last Airbender" бол Азид "Naruto" бүгдийг байлдан дагуулдаг шиг америкт яг л тийм рейтенгтэй хүүхэлдэйн кино. Харин онцлог нь энэ хүүхэлдэйн кино 2008 онд хамгийн сүүлчийн буюу 3 бүлэг нь үзэгчдэд хүрээд дуусчихсан. Ид гарч байх үедээ 5,6 сая америкчуудыг байлдан дагуулж чадсан "Annie Awards", "Genesis Awards"," Emmy Awards" гэх мэт зөндөө шагнал гардуулах ёслолоос шагнал авчихсан. Ер нь л сайн бүтээл. Харин энэ кинон дээрх avatar гэдэг үг бол буддын шашны төгс төгөлдөр бүгдийг эзэмшсэн гэдэг утгатай үг. Хүүхэлдэйн киноны ерөнхий зохиомжийг япон болон хятадын урлагаас авсан. Харин энэхүү хүүхэлдэйн киног "Paramount"-нхан кино болгож байгаа бөгөөд найруулагчаар нь M. Night Shyamalan ажиллаж байгаа. Кинонд олны танил жүжигчид төдийлөн байхгүй бөгөөд харин "Ядуусын хороололын саятан" киноны жүжигчин Dev Patel Zuko-н дүрд тоглож байгаа ажээ. Кино энэ оны 7 сарын 2нд нээлтээ хийнэ. Товчоор бол нэг ийм бүтээлдээ.

Zuko vs Aang

Minimalist poster-2

Саяхан та бүхэнд Quentin Tarantino-н кинонуудын минималист постерийг хүргэж байсан билээ. Тэгвэл дараагийн минималист постер та бүхнийг энэ хуудсанд хүлээж байна. Нэлээн дээхэн үеийнх учир зарим нэг талаараа дутагдалтай тал бий. Ингээд постеруудаа сонирхцгооё. Хэрвээ та бүхэн хүсвэл дараагийн минималист постеруудыг тун удахгүй хүргэх болно. Өмнөх минималист постер-н бичлэгт өөрийн сэтгэгдлээ үлдээсэн бүх хүмүүст баярлалаа.

1.Ghost Dad (1990 он)
2.Indiana Jones and Temple of doom (1984 он)
2. Star wars
3.Batman Returns(1992 он)
4. Харин энэ бол "Tron Legacy" кинонд зориулж нэгэн залуугийн зурсан постер. Албан ёсны постер биш шүү. Сонирхуулах гэж орууллаа.

Lerman "Spider Man"-д тоглох уу?

Холливуудын залуу жүжигчин болох Logan Lerman "Spider-Man 4" кинонд тоглох магадлалтай жүжигчдийн тоонд зүй ёсоор орж байгаа билээ. Саяхан нэгэн эх сурвалжын мэдээгээр Logan Lerman "Spider Man 1-2-3"-ын гол дүр болох Tobey Maguire-тэй солигдох нь нэгэнт тодорхой болсон гэсэн байх юм. Залуу од болох Lerman одоогийн байдлаар "Percy Jackson and the Lightning Thief" кинонд тоглосон ба тэрээр Peter Parker-ын дүрийг амилуулахад бэлэн хэмээн мэдэгджээ. Los Angeles-ын нэгэн радио Lerman-с ярилцлага авахад Spider Man бол мэдээж миний хамгийн дуртай SuperHero гэсэн байна.

Trailer: Percy Jackson and The Olympians: The Lightning Thief

Тун удахгүй нээлтээ хийх гэж байгаа нэгэн сонирхолтой кино бол мэдээж Percy Jackson and The Olympians: The Lightning Thief билээ. Мөн энэ кино нь тун удахгүй манай Монголын томоохын театр болох Өргөөд нээлтээ хийх төлөвтэй байгаа юм. Ингээд энэхүү киноны трейлерийг сонирхоно уу!

Аватар "Box-Office"-д анх удаагаа 1-р байраа өөр кинонд тавьж өглөө

6 долоон хоног "Box-Office"-н тэргүүн байранд байсан "Avatar" кино анх удаагаа 1-р байраа тавьж өгч 2-р байрлуу ухарлаа. "Аватар"-ын байрыг булаасан кино бол "Dear John" нэртэй саяхан нээлтээ хийсэн романтик хайрын тухай кино юм. Гэгээн хайрын өдөр ойртож байгаатай тохиолдуулан энэхүү кино нь их орлого олох нь мэдээж хэрэг бизээ. Хамгийн гол нь "Dear John" кинонд одоо үеийн шилдэг залуу жүжигчид болох Channing Tatum, Amanda Seyfried нар гол дүрд тоглосон явдал юм. "Аватар" киноны хувьд өнгөрсөн 7 хоногт 23.6 сая долларын ашиг олсон ба одоогоор нийттээ 630.1 сая долларын ашиг олоод байна.

"Ээждээ үнсүүлэхсэн" киноны постер

Сүүлийн үед шинээр гарч байгаа монгол кинонууд дийлэнхи хувь нь үзэгчдээс сайн үнэлгээ авч чадахгүй байгааг хүн бүр л мэдэж байгаа. Мөнгө санхүү, техник технологи гээд асуудалтай юм зөндөө л байгаа байх. Гэхдээ киноны хамгийн бага зардал шаарддаг постероо хүртэл хүмүүсийн санаанд хүрэхээр сайн хийж чадахгүй байгаа гэж хэлж болно. Үүний тод жишээ бол маш олон киноны постер хаа нэг газрын киноны постертой яг биш юм аа гэхэд ерөнхий зүйл нь яг адилхан байгаад байгаа байдал. Нэрийг нь хүн бүр мэдэж байгаа тул дурдалгүй өнгөрье. Уг нь бид өөрсдөө өмнө нь хийж чадаа л байсан зүйл шүү дээ. Ингээд бусад бүтээлд үлгэр жишээ болохоор нэг сайхан постерийг хүргэж байна. Уг киног хэдэн жилийн өмнө Монгол фильм студи бүтээсэн юм байна.